UEFA Avro 1968

UEFA Avro 1968
Yarış məlumatları
Ev sahibi	İtaliya
Tarix	5-10 iyun 1968
Başlama tarixi	5 iyun 1968
Bitmə tarixi	10 iyun 1968
Komanda sayı	4
Stadion sayı	Stadio Olimpiko San-Paolo Stadio Kommunale (Roma Neapol Florensiya ev sahibi şəhərdə)
Yekun nəticəsi
Çempion	İtaliya
İkinci	Yuqoslaviya
Üçüncü yer	İngiltərə
Dördüncü yer	SSRİ
Yarış statistikası
Oyun sayı	5
Qol sayı	7 (matç başına: 1.4)
Tamaşaçı sayı	260916 matç başına: 52183
Mükafat sahibləri
Bombardir(lər)	Draqan Caiç (2 qol)
← 1964 1972 →
Vikianbarda əlaqəli mediafayllar

Futbol üzrə 3-cü Avropa çempionatı — final turniri 1968-ci il 5-10 iyun tarixində İtaliyada keçirilən futbol yarışı.

Bu turnirdə "Avropa Kuboku" adından imtina edib, "Avropa çempionatı" adına keçilməsi qərara alınmışdır. Çünki UEFA bu turnirdə Olimpiya sisteminin qarışıq sistemlə əvəzlənməsini məqsədəuyğun hesab etmişdir.

Yeni qaydalara görə milli yığmalar əvvəlcə 8 qrupda mübarizə aparır, bu qruplardakı komandalar öz aralarında evdə və səfərdə olmaqla iki görüş keçirirdilər. Sonra, yəni 1/4, 1/2 və finalda əvvəlki kimi "uduzan çıxır" sistemi dövrəyə girirdi. Qruplar formalaşdırılarkın ilk dəfə bu turnirdə "səpələmə" prinsipi tətbiq olunmuşdur. Səkkiz güclü millinin hər biri bir qrupun başında durmuşdur. Turnirdə ümumilikdə 31 komanda iştirak etmişdir.

SSRİ və İtaliya milliləri arasında keçirilən yarımfinal oyunu 0:0 hesablı bərabərliklə nəticələnmişdir. Qalibi püşkatma (dəmir pul atmaq) müəyyənləşdirmişdir. Püşkatma zamanı bəxt SSRİ millisinin kapitanı Albert Şesternyovdan üz döndərmişdir. Belə yüksək səviyyəli futbol turnirində bu cür püşkatma birinci və sonuncu dəfə olmuşdur.